Inis Mara 3
Seo againn arís Éabha, laoch óg de bhunadh Inis Mara, agus í ag dul i ngleic le tubaiste mhillteanach eile. Cé go bhfuil seantaithí aici ar na bithiúnaigh santacha atá i ndiaidh theacht i dtír, beidh dúshlán roimpi stad a chur lena gcuid scéiméireachta. Ach nuair atá d’oileán, do mhuintir agus do phobal faoi bhagairt ag bithiúnaigh shantacha, nach í Éabha féin an cailín is fearr leis an dúshlán céanna a shárú!
Is scéal é seo a dhéanann an sean agus an nua a fhí le chéile go fileata. Tá sé lán le tagairtí dár sinsir agus dár gcultúr; den tábhacht a bhaineann leis an idircheangail eadrainn féin is cuma cén áit nó cén aois ina bhfuil muid. Tá Gaeilge shnasta ann, agus neart seanfhocail agus nathanna fite fuaite le focail nua-aimseartha a bhaineann le hathrú aeráide agus an baol atá ag dul leis. Cuirtear na beacha i lár an aonaigh agus Éabha ag iarraidh cur ar shúile daoine an ról lárnach atá acu sa dúlra agus mar sin in éiceolaíocht an domhain.
Tá téamaí tráthúla á bplé sa leabhar seo, a rachaidh i bhfeidhm ar intinní óga dúthrachtacha an aosa óig, agus ar chóir dul i bhfeidhm orainn féin fosta, dá ligfimis dó.
Éabha is back with another environmental themed adventure this time focusing on the importance of bees. A story of community, ecological understanding and bravery.
