Publisher:

Cló Iar-Chonnacht

AgMaisiú_DónalDána

Ag Maisiú Pheigí Pusach

Níl deireadh le diabhlaíocht Dhónall Dána! Insíonn an leabhar gearr seo eachtraí an bhuachalla óig agus é ag iarraidh airgead a charnadh. Tá bior ar a chluasa nuair a chéadchloiseann sé faoi ‘Nuamhaisiú’ a chur ar mhuintir na háite, agus níos tábhachtaí fós, an táille a íocfaidh siad leis as a chuid obair chruthaitheach. Téann Dónall agus Peigí in adharca a chéile ag iarraidh custaiméirí a mhealladh don ghnó luachmhar seo.

Book Cover - Fóir Orm!

Fóir Orm!

Tá Eoin trína chéile ag cúrsaí sa bhaile – fuair a Dhaid bás nuair a bhí sé ceithre bliana d’aois agus mothaíonn sé ciontach nach raibh sé in ann é a thabhairt slán. Anois, ocht mbliana níos moille, tá fear eile ag a Mham, rud nach bhfuil sé sásta faoi, agus ní thaitníonn an pheataireacht a dhéanann sí air leis ach an oiread. Socraíonn sé dul ar thuras scoile go hInis Mór, ach tagann drochstoirm agus iad ar an eitleán agus caithfear tuirlingt éigeandála a dhéanamh ar an bhfarraige: caitear Eoin i dtír ar oileán bánaithe.

Book Cover - I mo Chroí Istigh

I mo Chroí Istigh

Is cailín iontach cliste í Millí – is í an cailín is fearr sa rang í – ach is éan corr í, níl aon chairde aici agus bíonn cuid de na cailíní eile ag piocadh uirthi. Is cuma léi den chuid is mó mar bíonn sí gnóthach ag cuidiú lena hathair ina shaotharlann ag déanamh orgán agus géaga sintéiseacha, obair a thaitníonn go mór léi mar is é mian a croí a bheith ina hinnealtóir róbataice. Socraíonn sí féin agus a hathair róbat a mbeidh intleacht shaorga ann a dhéanamh le feidhmchlár sofaisticiúil atá forbartha ag a hathair.

Book Cover - Sárú

Sárú

Leabhar den scoth is ea an scéal mistéireach seo, Sárú. Coinníonn sé tú ag smaoineamh agus ag tuar an t-am ar fad agus ní raibh mé in ann é a chur síos sular shroich mé deireadh na mistéire teicneolaíochta. Scéal nuálach é atá oiriúnach do pháiste nó do dhéagóir ar bith a thuigeann cé chomh héasca is atá sé a bheith gafa le cluiche idirlín.

Book Cover - An Seachtar Stuama - Déanaigí Deifir, a Sheachtair!

An Seachtar Stuama - Déanaigí Deifir, a Sheachtair!

Seo leabhar nua ón tsraith An Seachtar Stuama atá á seoladh ag Cló Iar-Chonnacht i mbliana. Sé leabhar ón tsraith cháiliúil seo le hEnid Blyton atá aistrithe go Gaeilge ag CIC anois. I Déanaigí Deifir, a Sheachtair! tá an Seachtar (deartháir agus deirfiúr Peadar agus Sinéad, agus a gcairde Jeaic, Cóil, Gearóid, Neansaí agus Bairbre) ag teacht ó phicnic nuair a fheiceann siad fear ag titim óna rothar. Agus é ag fanacht ar otharcharr éiríonn leis teachtaireacht rúndiamhrach a thabhairt dóibh.