Cluasa Capaill ar an Rí
Is aithinsint ghalánta ar scéal béaloidis idirnáisiúnta atá déanta ag Bridget Bhreathnach agus Shona Shirley Macdonald sa phictiúirleabhar draíochtúil seo. Insítear scéal Labhraí Loingseach, prionsa a bhfuil rún mór á choinneál faoi cheilt aige: rugadh é agus cluasa capaill air.
Leantar Labhraí tríd an leabhar, óna óige uaigneach chuig a aosacht mar rí, is barbóir iontaofa nua á lorg aige chun a ghruaig a ghearradh d’fhéile bhliantúil na ríochta agus a chluasa a choinneáil faoi rún ina dhiaidh sin. Nuair nach bhfuil ach aon bhearbóir amháin fágtha sa tír agus é ina bhuachaill, an é go mbeidh rún Labhraí scaoilte faoi dheireadh?
Cuireann an pictiúirleabhar seo eispéireas thar a bheith draíochtúil agus tumthach ar fáil don léitheoir ó chlúdach go clúdach. Oibríonn stíl scríbhneoireachta thraidisiúnta Bhreathnach i gcomhpháirt le pictiúir chlaisiceacha MacDonald go snasta chun atmaisféar ársa a chruthú tríd síos. Tá an-jab déanta ag Bhreathnach anam agus fuinneamh a chur sa seanscéal seo le húsáid teanga atá aoibhinn fileata. Is sár-éachtiad na pictiúir ach go háirithe, atá curtha i láthair i sraitheanna beoga a chruthaíonn radhairc spéisiúla ar na leathanaigh dhúbailte.
Is pictiúirleabhar iontach agus úsáideach é seo lena úsáid chun féinghrá a spreagadh i bpáistí, dochar na rún a chíoradh agus bualadh faoi bhéaloideas na hÉireann. Oiriúnach agus taithneamhach do léitheoirí de gach aois!
