Futa Fata

Is leabhar álainn é seo, le scéal deas simplí. Tá buachaill beag darb ainm Cathal á ullmhú féin le dul a chodladh agus tá cúpla rud le haimsiú aige sa seomra folctha agus sa seomra leapa, sula socraíonn sé sa leaba.

Tá pictiúir áille, geala ar gach uile leathanach sa leabhar. Tarraingíonn siad aird an léitheora ón tús. Leabhar flapaí atá i gceist sa leabhar seo. Tá pictiúir le feiceáil faoi na flapaí, agus spreagann siad comhrá idir an duine fásta agus an páiste. Tugann siad an deis foclóir an pháiste a leathnú, trí phlé a dhéanamh ar an méid atá le feiceáil faoi na flapaí.

Tá an scéal faoin nGarbhán ar eolas ag gach páiste ach anois cásann muid leis an nGarbhán Óg. Tá athrú tagtha ar an scéal anois agus cloisimid ón nGarbhán faoin ‘Luch Mhór’ atá scanrúil agus dáinséireach. Ach i lár na hoíche, fágann an Garbhán Óg chun an lúch mhór ghránna a lorg.

Scéal éachtach é An Rás chuig an Mol Thuaidh ina bhfuil Gaeilge snasta siansach curtha ag Fearghas Mac Lochlainn ar scéal faoi shaol Matthew Henson. Leaid óg ab ea Matthew nuair a theith sé ón mbaile agus óna leasmháthair nár chaith go maith leis. D’éirigh leis éalú go Meiriceá agus sháraigh sé neart dúshlán. Níor shamhlaigh sé riamh go n-éireodh leis a bheith ar dhuine de na chéad daoine riamh a leag cos ar an Mol Thuaidh.

Tá an saol deacair do Mhaidhcí nuair a bhuaileann muid leis ag tús an scéil seo. Tá sé ag obair ar róbat a thógáil do chomórtas mór na scoileanna lena dhlúthchara Joe ach níl siad ag réiteach go maith lena chéile agus gach uair a thugann siad faoin obair, bíonn siad ag argóint go fíochmhar. Níl rudaí pioc níos éasca sa bhaile do Mhaidhcí. Tá Mam agus Daid ag argóint freisin agus ní thuigeann Maidhcí go díreach céard atá ag tarlú eatarthu.

Is breá le hOttó beag a bheith gléasta go faiseanta. Tá stíl ar leith aige, agus tá cónaí air i dteach snasta nua-aimseartha. Is breá le Mamó Ottó geansaithe thar a bheith neamhfhaiseanta a chniotáil dó áfach. Ach lá amháin nuair a théann Ottó ar thuras fada in aimsir ghránna chun an cheist sin a phlé le Mamó, tuigeann sé luach na n-éadaí ‘scríobach- scrábach’ a dhéanann sí dó.

Tagann Nizar go hÉirinn ón tSiria lena mham agus a bheirt deirfiúr, Sada agus Rasha, ar cúpla iad. Tá a mham ag iompar clainne agus ar ndóigh tá teaghlach mór ag Nizar, ach níl a athair leo agus tá Nizar mar fhear an tí anois go dtí go dtagann sé ar ais. Tá siad ina gcónaí in óstán agus tá a lán rialacha ann, dar le Nizar.

Ba dheacair an rud é scéal Mhíp a léamh is gan titim i ngrá leis an róbat beag bídeach seo agus a cuid féiníní. Is é an misean atá tugtha do Mhíp ná taisteal go Mars agus ós rud é go bhfuil scéal Mhíp bunaithe ar fhíorscéal ‘Opportunity’, róbat NASA, tá sé níos suimiúla fós. Rachaidh na léitheoirí, idir óg agus aosta, ar thuras atá greannmhar in amanna, brónach uaireanta, ach ag críoch an leabhair, beidh sonas orthu gur ghlac siad páirt i scéal neamhghnách Mhíp.

I dtaobh litríocht Ghaeilge na n-óg de, is í Máire Zepf an scríbhneoir is bisiúla san aonú haois is fiche. Tá cuid mhaith bunsaothar do pháistí foilsithe aici, agus tá sí ag tarraingt as tobar na miotaseolaíochta anois. Is athinsint é An Féileacán agus an Rí ar sheanscéal grá Éadaoin agus Mhír, scéal a cumadh breis is míle bliain ó shin. Insíonn Zepf cúlra an scéil i réamhrá gairid. Luann sí nach raibh aon stiúir ag Éadaoin ar a saol sna seanleaganacha, ach sa leagan seo tá smacht ag Éadaoin ar a cinniúint féin.

Scéal céadfach atá i Scúnc agus Smúirín agus fiú ón teideal tuigeann an léitheoir ní amháin go mbeidh an leabhar á léamh, ach á bholadh aige freisin. Díríonn na heachtraí ar an gcion atá ag an bpríomhcharachtar ar bholadh speisialta an teidí is ansa leis.

Scéal álainn, croíúil atá sa leabhar gleoite seo faoi phéacóg óg darb ainm Percy atá anchúthail ar fad. Ní thaitníonn sé leis nuair a thugann na hainmhithe óga ina rang a chleití áille ildaite faoi deara. Ag deireadh an scéil seo, cuireann Percy a chrógacht agus a chlisteacht i láthair a chairde óga.